De maogd van Gent

Bie de schréve of daoventrent
ligt de buurtschap Maogd van Gent
In da wieje Vlaomse land
wa was daor toch oôit aon d’ and

Was die maogd destiets in Gent
op zoek naor een goeie vent
Ze vond er geên naor eur gedacht
z’ei lank gezocht en afgewacht

Het lukte nie, het gieng nie deur
da was best aokelig voor eur
In d’r kop kreeg ze de kolder
ze liep de stad uut nao de polder

Naor Olland wou ze, Philippine
maor daor èn ze d’r noôit geziene
Onderweg is ze gestrand
in da wieje Vlaomse land

Z’ei noôit meêr naor een vent gezocht
en gieng toen weunen in die bocht
Die plekke, die wier toen bekend
as de buurtschap “Maogd van Gent”

Of is did allemao geên waor
A j’t beter weet , dan zeg je ‘t maor
Messchien kan ik van joe wa leêren
Zelf kan ‘k alleên mao fantaoseren.

Jan Lauret, 31-08-2014