Moedertaol

Zôo à je ooit è leren praoten
da verleer je nie, je leven lank
Al ei je j’n eigen streek verlaoten
je taol ouw z’n vertrouwde klank

Ze meugen’t overâ best ôoren
ook à spreek je ABN
Dâ je in Zêeland bin gheboren
en dâ je dao nog grôots op ben

Een dialect, dad is gêen schande
dad is iets extraos, iets apart
da kom voor in alle landen
een eigen taol, recht uut j’n ârt

Toch dienk ik da we moeten vrezen
dad op d’n duur die taol verstomt
da zou naotuurlik jammer wezen
mao ‘k dienk toch dat het er van komt

Daorom schrief ik in de taole
zô a’k die vroeger eb gelêerd
m’n gedichtjes en verhaolen
omda die taol nie wederkêert

Jan Lauret, 20-01-2012