Uût ’t nist

‘k Zag net een jonge mèrlèr
te vroeg weg uût het nist
Ie kon nog nauw’liks vliegen
’t was of de katte ’t wist

‘k Zag net nog in de krante
“Jong meisje wordt vermist”
‘k Most dienken an die mèrlèr
te vroeg weg uut het nist

Nog nie goed kunnen vliegen
ze zien nog gêên gevaor
en wà ze nog nie weten…
De katten zitten klaor

De moeders èn gewaorschuwd
de vaoders waoren kwaod
Toch bin ze uutgevlogen
te vroeg, maor ’t is zô dat ’t gaot

Misschien dà ze verschrikken
en vliegen z’op tiet nog trug
Pas op toch, kleine veugels
wan die katten bin zô vlug

Zurg da je goed kan vliegen
en let op het gevaor
Gebruuk je sterke vleugels
dan bin je d’r ghoed vôô klaor.

Jan Lauret, 18-05-2012